Tutti tenda al mistier soo
Bertoco capariol,
Che gode della fama in quel mestier,
Frugnando in un corbato,
Se ponze, e assae ghe diol,
E par grave ferìa ch'el s'abbia fatto.
Dolori el soffre tutto quanto el dì,
La notte el ga sgionfezza, e via cussì,
E l'è ridotto con un brazzo solo,
Perchè quello amalà xe messo al colo.
Co tutti sti dolori
El cerca professori,
E drento el batte in un
Certo da no augurarghelo a gnessun.
