Mo a vu sior tangaro
Va da far subito
L'effetto epatico
E a dir gavè,
Che no xe leciti
Quel ton, quei dialoghi,
Quel brio, quel spirito,
Quel de gazè?
Mo care viscere
Se sto individuo,
I vostri talari
Mai va cercà,
Se in pien, scusemelo,
No voria dirvelo,
Osequiosissimo
In cul ve gà?
Se moderandose,
Al bisognevole
Supplisce l'utile
Ch'el sa cercar,
Se i sibaritici
Pranzi, e l'asiatico
Lusso, da Socrate
Lu sa sprezzar;
