Pagina:Raccolta poesie veneziane dell'autore dei Capricci poetici nello stesso dialetto 1.djvu/105

Sta pagina la xe stà trascrita, ma la gà ancora da vegner rileta.

     Continuamente el popolo cussì,
     Che se del motto no savè el perchè,
     Una rivoluzion la battizè.
     Rivoluzion per altro,
     Che termina in magnar,
     Zorno che là se nomina,
     Venere gnocolar.
     Sto zorno democratico
     Da-Vico ha istituio,
     Dal grando, al miserabile
     Sto dì xe riverio.
     Per lu xe compagnissime,
     Quel dì le condizion,
     La forza potentissima
     La sta in un macaron ¹.
     Sarave a no magnarghene
     Disprezzo el più palese,
     Per quello un energumeno
     Divien tutto el paese.
     Sodisfo a sazietà d'una zornada
     Meritamente bella, e decantada,
     Ho aspettà el zorno drio con ansietà,

↑ Xe abbastanza noto in cossa consiste la principal cerimonia del Venere gnocolar a Verona.

[1] Xe abbastanza noto in cossa consiste la principal cerimonia del Venere gnocolar a Verona.

1