Pagina:Raccolta di poesie in dialetto veneziano 1845.djvu/496

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


LA SCIELTA.


De tanti che spasema,
     Che pianze per mi,
     Nissuno finora
     4Ga avudo un de sì. —

D'altronde se esito,
     Se penso, se aspeto,
     Do e mezzo ze i ichese,
     8Me resta el paleto. —

Tonin ze volubile,
     Carleto ze mato,
     Luvigi ze un stolido,
     12Ze Tita mal fato,

Zaneto ze zovene,
     L'è san come un pesce,
     Co afari in comercio,
     16Che sempre ghe cresce.

A monte ogni scrupolo,
     Più avanti no aspeto,
     Fra tuti me comoda
     20El solo Zaneto. —


LA MASSIMA FALSA.


Co me penso i tanti spasemi,
     Che provava un ano fa,
     Vogio dir, co de ti, Nonola,
     Gera belo e cusinà,
     5Me se inchiava i denti in boca,
     Me vien come 'l pelo d'oca,
     Ma po digo, e me consolo,
     Una sola ne inamora.
     Dunque mi ghe ne son fora,
     10El pericolo ò passa.
     Se se dasse de trovarme
     Co una tosa a chiacolar,
     Posso adesso cimentarme,
     Posso rider, e scherzar;
     15S'anca vado in sentimento...
     Amoreti del momento!
     Ze impussibile scaldarme,
     No ghe penso gnanca sora,
     Una sola ne inamora,
     20El pericolo ò passà.
Confidando in ste mie massime,
     Da la sera a la matina,
     De Marieta me desmentego,
     Son fanatico per Nina,
     25Ma con ti, Teresa mia,
     Son per perder la partia,
     E pur tropo meto in dubio,
     Se una sola ne inamora...
     Ah ! in pericolo so ancora,
     30Son da novo inamorà. —

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_di_poesie_in_dialetto_veneziano_1845.djvu/496&oldid=59427"