Pagina:Raccolta di poesie in dialetto veneziano 1845.djvu/346

215No adesso quel abito,
     Xe tropo a bonora,
     Gnancora le dodese;
     L'invido xe a un'ora,
     E s'à d'esser l'ultima
     220Se i vol, se no i vol.
Per far che i ve stima
     No siè mai la prima;
     Che vada sior Agata,
     La Venere magra
     225A averser la sagra;
     Tonina no pol.
Ma ohimè! xe un gran sofego,
     E aver da vestirse!
     Tonin quela ventola...,
     230Chi vol divertirse
     Bisogna che toleri...
     Go 'l fogo in tel sen.
Vien qua, senti, Toni,
     Sti brazzi è carboni:
     235Che toga del'etare;
     No, alchermes rimonta,
     La bozza è più pronta:
     Da qua, caro ben.
So un altra, mo vedistu?
     240Son proprio intonada,
     E son capacissima
     De far la zornada
     Zirando, godendome...
     Te digo el mio pian.»
245Tonina, ò capio,
     E vado con Dio
     «No, ascolta, via fermite»
     Per mi vado fora:
     «Sta qua in to malora,
     250Da qua quela man:
Apena che termina
     Del tè la partia,
     Saludo sior Cesare,
     E po meno via
     255La zente de spirito
     Insieme co mi.
Se va in t'un logheto,
     Se beve un sorbeto,
     Se ride, se critica,
     260Se fa dei matezzi.
     Ma za i cocolezzi
     Xe tuti per ti,

Mi son tuta Tognolo,
     Nissun no me beca:
     265Se tol una gondola
     Se va ala Zueca,
     Finisso sentandome
     Dal gran Valentin.
No passa un minuto
     270Go atorno de tuto:
     El par impussibile!
     Tedeschi, francesi,
     Da tuti i paesi
     Me vien da vicin:
275De là andemo a goderse
     Dei quadri a la Nave¹
     Che scene ridicole!
     Giulieta soave
     Che parla in patetico,
     280Nè varda nissun;
E siora Maria
     Col peto in scanzia,
     Che ciga, che strepita,
     Che dà sempre urtoni,
     285Che tol pizzegoni,
     E po fa dezun.
Vien po certi zoveni,
     Che i è proprio cosseti,
     In cisme lustrissime.
     290Coi so capeleti,
     Le braghe sul stomego,
     Do dei de gilè.
Vedè el so barbuzzo
     Sul colo a far cuzzo;
     295E mi me li gongolo,
     E co li ò inviai
     Li lasso impiantai,
     Contenti al cafè:
Perchè vado a la Vitoria
     300A osservar qualch'altra istoria;
     Po a le Rive, al padiglion;
     Ma 'l cafè no i lo fa bon.
     Po de suso un pochetin;
     Ma xe un forno quel casin!
     305Ma za passo ai rinovati
     A l'Orfeo, dai avocati,
     E in sti loghi se fa pele,
     E a le tre stele,
     O a l'ostaria
     310In compagnia

1. Altro caffè in calle larga.