Pagina:Raccolta di poesie in dialetto veneziano 1845.djvu/306

Da Wikisource
Sta pagina la xe stà trascrita, ma la gà ancora da vegner rileta.

     El pastor za scomenza a sgangolir.
     70La dea co le so man
     Vol darghe da magnar al nostro uman;
     Ma quando el mete in boca
     Gnente el palà ghe toca,
     Che d'una spezie d'etare ogni piato
     75A l'usanza divina gera fato.
     El so gusto ghe gera,
     Ma el palà del pastor, fato de tera,
     No podeva sentir
     I sali impercetibili
     80Che lo andava a ferir.
     Pur el fa finta per riputazion
     De magnar de quei cibi
     Co tuta divozion,
     Ma da la fame orenda
     85Za deventà rabioso
     El lassa alfin sul piato
     Ogni cibo prezioso.
     La dea, che se ne acorze,
     Dimanda al pastorelo,
     90Perchè nol magna quel che i magna in cielo
     El se trova intrigà,
     Risponderghe nol sa;
     Ma pur incoragio
     Dal titolo de amante,
     95El dise: Fia de un dio,
     Me par che lo gavevi da saver
     Che mi son tera, e che vu sè pensier;
     E che dovevi, avendo da tratarme,
     O umanizarve, opur divinizarme.»
100Se no temesse, amici, de chiamarme
     I castighi del cielo,
     Co l'esempio del nostro pastorelo
     Vorave ste divine consegiar
     De farse venerar
     105O in prussission, o sora d'un altar;
     Ma a no far la sempiada
     De smorosar coi miseri mortali
     No dandoghe che pranzi celestiali.

TELEME E MACARI


OSSIA

EL DESIDERIO E 'L PIACER.

Parafrasi d'un'ode de Volter.


1Xe Teleme una regazza
     Tuta brio, tuta vivezza,
     Ma ch'è stada sempre avezza
     A bramar più del dover;
     Ela in tuto la stravede,
     Nè mai pase la possede.
2Questa amava un regazzoto
     Diferente assae d'umor,
     Fresco e belo come un fior,
     E seren come el bel dì;
     Noia e gusto tropo forte
     Gera odiai da tu a la morte.
3De più dolce del so sono
     No se pol imaginarse,
     Nè più bel del so svegiarse;
     L'è un incanto po fra el dì.
     Nome Macari lu ga
     E da tuti l'è bramà.
4La regazza intolerante
     Co secae lo tormentava,
     I rimproveri fiocava,
     La voleva adorazion;
     E lu stufo, disparada
     A ridando el l'à lassada.
5Come storna la coreva,
     Rossa in viso quanto el fogo,
     A cercar per ogni logo
     L'infedel, ma caro ben,
     Che ghe gera un gran tormento
     Senza lu star un mumento.
6La va subito a la corte,
     La dimanda a questo a quelo:
     «Aveu visto qua el mio belo?
     Ghe xe Macari, el mio amor?»

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_di_poesie_in_dialetto_veneziano_1845.djvu/306&oldid=70104"