Pagina:Raccolta di poesie in dialetto veneziano 1845.djvu/245

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Tuti tase... (zate zonte)
     Tutti tase, come i deve;
     165Nu mandemo fin la neve
     A fiocar de là da Stra»

TORDINOTI.

Nu mandemo fin la neve
     A fiocar de là da Stra.

TORDINA.

«Fa borasca? piove un'ora?
     170(Su quel beco) e nu in malora
     Sti tempazzi, e chi li à fati...
     Ma vien po 'l castigamati,
     Spenta el schiopo dal figher.»

TORDINOTI.

Ma vien po 'l castigamati,
     175Sponta el schiopo dal figher.

TORDINA.

«Che se vu con un scravazzo
     No cambievi 'l fogo in giazzo,
     E la polvere in panada,
     Barba Giove, che speada
     180De tordine sul fogher!»

TORDINOTI.

Barba Giove, che speada
     De tordine sul fogher!

TORDINA.

«Ma la mama à za risolto...
     (Zo la coa) chi poco, o molto
     185Se lamenta da recao,
     La vol farlo dal babao
     Su i nostri ochi sculazzar.»

TORDINOTI.

La vol farlo dal babao
     Su i nostri ochi sculazzar.

TORDINA.

190«Se co nevega, o co piove
     (Vardè in alto) barba Giove,
     Ne vien più de sti caprizi,
     Ah! fe un viazo e tre servizi,
     E lassene fusilar.


TORDINOTI.

195Ah! fe un viazo e tre servizi,
     E lassene fusilar.

TORDINA.

«Barba Giove... a capo, su...
     Andè a marenda... e che ve senta più.»


EL BASSÀ, EL PAPAGÀ E MIMÌ.


1Macmù Ibraim-bassà
     De Karà-Dabalà,
     Quel che à inventà el cafè,
     (Cussì me capirè)
     Stava quatr'ore al dì
     In coro coi dervì.
     La note po no so,
     Ma mi credo de no,
     Che 'l gaveva anca lu
     La morosa Macmù.
2L'aveva ristaurà
     El Karavan-serà:
     L'aveva fornio tre
     Moschee d'arzan plachè:
     L'era sta col muftì
     Al sepolcro d'Alì;
     Per i poveri po,
     A forza de dir tiò,
     L'aveva un dì vendù
     Sina el ganzar Macmù.
3Tra tante carità,
     Che dai turchi se fa,
     Anca quela ghe xe
     De sporzer al tetè
     La papa e 'l biscuì;
     De agiutar el pipì
     Col sorte dal cocò;
     De menarlo su e zo
     Sin ch'el staga ben su:
     E 'l lo fava Macmù.
4L'aveva visità
     Un aseno amalà,