Pagina:Raccolta di poesie in dialetto veneziano 1845.djvu/229

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Se opone a tuti Marte,
     Come tropo indulgenti,
     E ghe mete in ridicolo ste parte.
     240Se la Pazzia gera mortal, lu in bota
     La fava fusilar, e alora sì
     Gera finia la razza dei bufoni,
     Nè più se gavaria tanti omenoni.
     Ma per tratarla pur militarmente
     245Lu la vol condanada eternamente
     A far la sentinela
     A l'ospeal dei mati de la luna.
     Balotae — no ghe n'è passà nìssuna.
Cossa mo fava Giove?
     250Giove, che sempre ga la testa rota
     O da le gelosìe de so moger,
     O da le cavalae de Ganimede
     Che lo ga in quel servizio e lo sbufona,
     Sta su la so poltrona
     255A far casteli in aria,
     Supia, sbadagia, mastega, savaria.
     Ghe nasce quelo che ghe nasce spesso,
     Fin la memoria el perde
     De quel che ghe sta a cuor, che l'à promesso,
     260Tosse, brontola, dorme, e va in tel verde.
Torna i savj in colegio, e un'ora dopo
     I capita in senato
     Co una proposizion d'acordo estesa,
     Che a pieni voti xe po stada presa.
     265Finalmente su l'alba
     Sona la campanela. Tra la fola
     Dei curiosi a le porte
     Che aspeta la sentenza de la corte,
     S'à visto incognito qualche pianeta,
     270Do aurore boreali e una cometa.
Eco insoma el decreto, tal e qual
     L'à Mercurio stridà in original.
     «In nome del destino; e così sia:
     Inseparabilmente la Pazzia
     275Resti a fianco d'Amor quando si muove,
     E meni l'orbo» sottoscritto: Giove.
Se Venere sia stada, o no, contenta
     De sta condana, chi lo sa vel diga,
     La smania de saverlo no me tenta.
     280Se ghe dol, che la ciga.
     Mi no voi sindacar quel che i fa in cielo,
     Che za son vechio e baso la pazienza
     Ma vu altri, che se de primo pelo,
     Penseghe un poco, amici, a sta sentenza,

     285Proclamada mo giusto da Mercurio.
     Ohimè! no la me par de bon augurio;
     E ve diria: Dio ve la manda bona,
     S'anca ve inamoressi de mia nona!


ESOPO E L'ASENO


In oca Esopo frigio
     Stava puzà a un molin;
     Passa, e ghe dise un aseno:
     «4Giusto vu, citadin:
Se vol che siè un egregio
     Filosofo moral,
     Ma perdoneme viscere,
     8No se minga imparzial:
Vu dè a la volpe e a l'aquila
     Inzegno sovruman;
     Vu fe parlar con spirito
     12El sorze, el gato, el can;
E nu, poveri aseni,
     Sempre ne maltratè,
     Ne fè passar per stolidi;
     16Voria saver perchè?
Dei talenti, e del merito
     Ghe n'avemo anca nu;
     Spesso ne invidia i omeni
     20Qualche gentil virtù:
Credo no sia tra l'ultime
     Costanza e gravità;
     Fene donca giustizia,
     24E remediè al passà;
Componè qualche favola
     Da farne figurar;
     Ve servirò d'esempio,
     28Se me savè imitar.
Bomò, sentenze, e massime
     Ve vogio sugerir... » —
     Responde Esopo: — «viscere,
     32No ve posso ubidir:
Vardè che metamorfosi
     Che nassaria cussì;
     Saressi vu el filosofo,
     36E l'aseno po mi.»

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_di_poesie_in_dialetto_veneziano_1845.djvu/229&oldid=59331"