Pagina:Raccolta di poesie in dialetto veneziano 1845.djvu/191

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     380Studiè pur quanto volè
     Che mai più no me cuchè.
     Ridè,
     Cantè,
     Balè,
     385Pianzè,
     Sustè,
     Smaniè,
     Mai più, mai più, mai più no me cuchè.
     Andè pur dai vostri amanti
     390Spasimanti, deliranti,
     Da quei cari polastroni
     Semplizzoni, balordoni,
     Che per mi go bu 'l bisogno...
     Co ghe penso me vergogno.
395M'emè vu madam? — Ui,
     Ui, mon ser, ze mur pur vu.
     Domandeme un poco a mi
     Sior cucheto de monsù.
Viva, viva la mia Nina
     400Frescolina,
     Tondolina.
     Viva, viva quel bochin
     Stretolin,
     Quel lavreto cremesin,
     405Restaressi
     Stupiressi
     Se vedessi
     Quanto ben me vol custia.
     Ma chi xe sta cara fia?
     410Che curiose! le gran femene!
     Una bela damigiana,
     Che co mi fa sempre nana.
Che richezze!
     Che grandezze!
     415Mo che onori!
     Via caveve, cari siori,
     Queste xe minchionarie:
     No ghe dago un gotesin
     De sto vin
     420Per disdoto monarchie.
Quanto è bela la virtù!
     Sì, no è vero, cari vu!
     No gh'è i pezo dei virtuosi;
     I ga tuti i mali cronici,
     425I xe tuti malinconici,
     Panzarini,
     Del color dei canarini;

     E per causa de sti incomodi
     I riesce fastidiosi,
     430Dispetosi,
     Taroconi,
     Litigoni,
     Tuti tuti malsestoni;
     Vedeu mi, che mai no studio
     435Che su 'l libro del bocal,
     Se so rosso come un gambaro,
     Se co tuti so genial?
Via da bravi tremo su:
     Gran piacer che da costù!
     440Che comedie?
     Che tragedie?
     Che spetacoli?
     Che festini?
     Che casini?
     445Che delizie?
     Che Brenta?1 che Stra?2
     Che Padoa? che Pra?...3
     Alto qua.
     So anca mi che 'l xe magnifico,
     450E che Padoa ga rason
     De tegnirse tanto in bon.
     Viva pur el gran talento,
     El bel genio,
     Che a dà moto a quel portento;4
     455Ma a parlarve schieto e neto,
     Anca el Pra ga el so difeto.
     Sì signori,
     Sì signori,
     Ghe voleva dei fiasconi,
     460Dei pistoni,
     Dei piloni
     Tuti pieni de sto vin,
     Ben disposti fra le statue
     Come i vasi d'un giardin.
     465Diese bote per canton
     Messe in forma de piramide,
     Che formasse quatro guglie
     Superbissime,
     Modernissime,
     470E in t'el mezzo un gran tinazzo
     De l'altezza d'un palazzo,
     Che portasse un stendardon,
     Dove fusse scrito a pegola
     Co carateri da fabrica:
     475Vegna qua chi vol vin bon

  1. S'intende la riviera del fiume Brenta, che offre un amenissimo tragitto da Padova alla laguna veneta, e villeggiature deliziosissime.
  2. Comune lungo il fiume Brenta, dove esiste la deliziosa villa reale.
  3. El pra de la vale. Vastissima piazza in Padova, luogo fangoso un tempo ed impraticabile, disegnato poi e ridotto magnifico ed ameno.
  4. Ad Andrea Memmo, patrizio veneto, devesi la idea prima dell'attuale costruzione del Prato della Valle.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_di_poesie_in_dialetto_veneziano_1845.djvu/191&oldid=59343"