Pagina:Raccolta di poesie in dialetto veneziano 1845.djvu/134

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     E sempre condanae
     45A laorar e a mastegar corone,
     Basta che più no fe le b...e.
     Che i patrimonj no buté in sconquasso
     Coi bertoni, col ziogo e in darve spasso,
     Che de più no iritè la Tera e 'l Cielo
     50Perchè abiemo a provar qualche flagelo.


MADRIGALE


PER LA VENUTA IN VENEZIA

DI SUA MAESTÀ CESAREA

E DELLE AA. II. GLI ARCIDUCHI FRATELLI.


O Venezia, garetolo d'Italia,
     A razon ti è superba
     Perchè in sen ti ti ga
     Tre Altezze, ma reali,
     5E un Imperial Maestà!
     Xe vero che sti quatro
     Del Loronese Austriaco ilustre sangue
     I xe incogniti, e sconti
     Col titolo de Conti,
     10Ma sta Contea xe tanto trasparente
     Che ognun vede 'l real, no l'aparente.
     I viasa come 'l Sol
     Da drio a una nuvoleta,
     Ma come quelo sempre
     15Se rileva al splendor,
     Cussì questi se mostra al mondo e a nu
     Co la gran dignità, co le virtù.
     Li vedo a ochio neto,
     E i capisso assae più co l'inteleto;
     20E se beato son
     A vederli soltanto,
     Se podesse sentirli... oh Dio che incanto!
     Alora, amigo mio, te lo protesto
     Beatissimo sarìa più de Pio Sesto.

LA MATRONA D'EFESO


NOVELLA

GIÀ SCRITTA DA PETRONIO ARBITRO.


Dame, e vu che le Dame stimè tanto.
     Per niente no badè a sta istorièla.
     Petronio un dì l'à scrita (oh Dio che incanto!)
     Mi l'ò tradota, ma lontan da quela
     5L'ò fata in Venezian col stil de Santo
     Pagozzi; d'ela ridè, o pur strazzèla;
     Ma dirò, e vel protesto, che se dà
     Pur tropo in certe Dame sta onestà.

Una ghe gera a un tempo in Efeso
     10Tanto nota per fama d'onestà,
     Che tute quante le mugier, le vedoe
     De la Cità e dei lioghi vicini
     A procession le andava a visitar
     Sta Dama onesta, sto spechio, sto portento,
     15Sto onor, sta gloria, sta virtù del sesso.
     A sta Dama de tanta castità
     Ghe xe morto el Marìo. Oh Dio che afano!
     Un Marìo, gran Marìo de zorno e note,
     Un marìo Senator, un Pater Patriae.
     20Sta Dama, apena vedoa, desperada,
     No la s'à contentà de seguitar
     El funeral come s'usava in Grecia.
     Con i cavei in t'i ochi e sgrendenada
     E col pestarse l'un e l'altro peto,
     25Le coste, i fianchi, i zenochi, i pie,
     Ela à volesto ancora (oh gran amor!)
     Serarse in sepoltura col Marìo;
     E là tut'el dì e la note destirada
     Sul morto la pianzeva el caro vivo.
30I so' parenti e quei de so' Mario,
     (El primo sangue de quela Cità,
     Ma sangue de lanzeta e latesin)
     I amighi tuti de le do' gran case,
     E fina i servi mossi a compassion.
     35Tuti à tentà levarghe el genio mato
     De morir col Marìo sepolta viva.
     Ma tuto in van! Infina i Senatori,
     I Terzi Loghi, i Zugegadi, i Cotimi

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_di_poesie_in_dialetto_veneziano_1845.djvu/134&oldid=70128"