Pagina:Raccolta di poesie in dialetto veneziano 1845.djvu/128

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


POESIE

DELL'ABATE

ANGELO MARIA BARBARO.


RITRATTO DELL'AUTORE.


SONETTO.


Sordo e mez'orbo, con sie denti in boca,
     Con un muso da strissimo patìo,
     Da l'omo trascurà, scordà da Dio,
     4Senza una Dona che me svegia o toca;

In una casa, anzi in una bicoca,
     Fornìa da leterato e da sbasìo,
     Co una massera da butar in Rio
     8Che 'l salario a magnar ciga e taroca,

Co una Messa da prete Calabrese,
     Co un Patrimonio mezo rovinà,
     11Co una pension de tre ducati al mese,

Con un pare che pochi me ne dà,
     Con un Papa in furor co sto paese,
     14Questo è il mio stato: oh sielo b...


NOVELLA.


Un Povereto co la barba longa
     Una volta xe andà
     A pregar un Barbier per carità
     Ch'el ghe fazza la barba.
     5El Barbier con dispeto
     Ga dito al Povereto:

     Sentève su quel scagno
     Che farò sto vadagno.
     Po el ga dito al Garzon:
     10Tira fora quel strazzo de fazziol,
     Dame un fero ordenario,
     Dame el cain, quelo che xe pontà,
     E dame quel saon che xe avanzà.
     Sto gran anemalazzo
     15L'à presto insaonà,
     L'à prencipià a radarlo,
     Overo a scortegarlo.
     In quel ponto se sente su la strada
     Un Can a gola averta
     20Che cigava caìn.
     Un galantomo che gera in botega
     Coss'è, l'à dito, cossa ga quel Can?
     Alora el Povereto
     El dise: Ghe scometo
     25Che a quel Can un Barbier cortese e pio
     Ghe fa la barba per amor de Dio.


AD UNA SIGNORA


NEL DÌ DI MEZZA QUARESIMA.


Signora, andè in Campagna
     Scondève in Teraferma,
     Oh Dio! no stè a Venezia,
     Tropo, tropo se' in vista,
     5O almanco retirève su una Lista.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_di_poesie_in_dialetto_veneziano_1845.djvu/128&oldid=70103"