Pagina:Pronostici e versi di Camillo Nalin 3.djvu/83

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Alora quel prelato,
     45— Lo credo ben, ma dato
     L'imprevisto acidente,
     L'ipotesi lontana,
     Che un amigo, un colega, un so parente,
     Per qualche rason strana
     50A cena la invidasse,
     E tra la convenienza e l'apetito
     Acetando l'invito
     Dopo de mezzanote la magnasse? —
     Questo no pol tocanne ghe prometo,
     55Perchè a nov'ore mi son sempre in leto.—
     Ma se, per un mumento,
     Che Dio pur no lo vogia, ghe chiapasse
     Dopo de mezzanote un svanimento,
     E la serva ghe dasse
     60Un fruto, un fià de brodo, un elisir
     Per farla rinvegnir,
     Come alora ghe par
     Che la se dovarave regolar? —
     Suceder no me pol sto inconveniente,
     65Perchè a casa da mi no gh'è mai gnente.—
     Ma se 'l caso concreto,
     Che in ela, casca el mondo, no la amete,
     Ghe tocasse in efeto
     A qualche prete,
     70Secondo el so pensar
     Cossa diriela che 'l dovesse far? —

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_3.djvu/83&oldid=57723"