Pagina:Pronostici e versi di Camillo Nalin 3.djvu/65

Da Wikisource
Sta pagina la xe stà trascrita, ma la gà ancora da vegner rileta.

     Alto discretamente,
     Ma longo in tal maniera
     Che assae dificilmente
     20Se trovaria el compagno su la tera.
Un dì dopodisnar,
     Che don Paulo montà sul so ronzin
     L'andava a confessar
     Un zoto contadin,
     25Che balando, sto toco de pandolo,
     Malamente cascà,
     S'aveva scavezzà
     L'osso del colo,
     E alora gera drio
     30A dar l'anima a Dio,
     Don Paulo capelan
     Strada facendo
     L'incontra un cortesan
     Che ghe dise — de grazia reverendo,
     35La prego de scusarme,
     La me fassa el regalo
     De informarme,
     Quanto vendela al brazzo el so cavalo?—
Fissandolo in tel muso,
     40E a la bestia la coa tirando suso,
     El ghe risponde — lo misureremo,
     L'entra in botega che se giustaremo.—

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_3.djvu/65&oldid=57701"