Pagina:Pronostici e versi di Camillo Nalin 3.djvu/58

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     45E apena interogà
     Cussì risponde:
     — Sicome sta matina
     Go tolto medicina,
     E sicome passando per sta strada
     50El corpo a l'improviso se m'à mosso,
     Per no farmela adosso
     L'ò molada —
     E finta el fava intanto
     De imbotonarse suso le braghesse,
     55Per cercar che l'impianto
     I ghe credesse.
A la dichiarazion de Nicoleto,
     Messo in qualche sospeto
     Sogiunge el caporal
     60De profession spizier:
     — No la se n'abia a mal,
     Mi fasso el mio dover,
     In dubio mi no meto
     Quel che la dise ela,
     65Ma con degno rispeto
     La so merda de grazia indove zela? —
El studente Nicoleto
     Che co ochi da falcheto
     Su la strada aveva ochià
     70Da lu poco distante una boazza
     El ghe risponde franco — ecola là,
     No la la vede? la la ga de fazza —;

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_3.djvu/58&oldid=57813"