Pagina:Pronostici e versi di Camillo Nalin 3.djvu/34

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


— Me par Bernardo a muso
     De vederte confuso,
     Inquieto, disgustà,
     20Qualcossa per la testa
     Scometaria ti ga,
     Che te molesta. —
     De andar al catechismo poco fa
     M'à, diria squasi, el diavolo tentà;
     25Dopo una mezz'oreta
     Don Francesco Bignè,
     Senza lassarme tempo che rifleta,
     El me domanda quanti Dii ghe ze,
     E no essendo stà bon
     30De saverghelo dir co precision,
     El ze anda zoso come chiara mata,
     El m'à dà una salata
     Che lo zuro,
     Sina che 'l sarà lu quel che lo spiega,
     35In Chiesa al catechismo de sicuro
     Mi no ghe vago gnanca se i me prega,
     Per farme da quei tosi minchionar,
     E sentirme da elo a strapazzar
     In maniera, che 'l Ciel ghe lo perdona,
     40Come se fusse un aseno in persona.—
     El ga avudo rason,
     Ti ze proprio un zucon,
     Ti ze un aloco,
     Ghe voleva assae poco

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_3.djvu/34&oldid=57779"