Pagina:Pronostici e versi di Camillo Nalin 3.djvu/306

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


In mezzo el rio,
520E l'aversario se strassina drio;
Chi in tera destirà
Dal sfinimento
Con un resto de fià
Da pugni al vento,
525Credendo Dìo sà quanti
De averghene davanti;

Chi in fregole ga i ossi,
Chi i brazzi scavezzai
E per i pugni scossi
530E per i pugni dai;

Uno ze tuto pesto,
St'altro ze scortegà,
Uno ga roto el cesto,
St'altro ze snombolà;

535Chi resta con un ochio,
Chi co una rechia resta,
Chi ze slogà un zenochio,
Chi frantumà la testa;

Chi ga una gamba rota,
540Chi el naso sfracassà,
Chi ciga, chi sangiota.
E chi no tira el fià;

Chi spande le buele,
Chi perde el radeselo.
545Chi ga su la so pele
Più busi d'un crielo;