Pagina:Pronostici e versi di Camillo Nalin 3.djvu/292

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


Disposti in gran parada
130Sul ponte e su la strada,
Untando fogo i è là
Col naso ranzignà,
Coi denti streti,
E co la tremariola
135Per la violenza de dover star quieti;
No i pronunzia parola,
I se varda, i se mira,
Tirando tanto d'ochi,
E convulsi da l'ira,
140Ma saldi de zenochi,
Senza che nissun veda e nissun senta
Quei brutissimi cefi
Coi moti e coi sberlefi
I se cimenta,
145Sinamente che 'l mascolo se sbara,
E vien averto el campo de la gara.

Nè 'l sbaro i sente apena,
Che come dei mastini
Molai da la caena,
150Come tanti sassini,
Che quando co spavento
A saltar li vedè fora del fosso
Su l'istesso mumento
I ve ze adosso,
155Ve ferma, ve agredisce,
Ve spogia, ve bastona, ve ferisce

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_3.djvu/292&oldid=64303"