Pagina:Pronostici e versi di Camillo Nalin 3.djvu/268

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


185De la Fortuna.
El scopo de l'amar
Co ghe ze urgenza,
El don de la prudenza,
I benefizi veri del cauterio,
190I sforzi de Tiberio,
La coa de Berenice,
I bucoli de Nice,
Dove Amor ai galanti fa de ochio
Soto le bele forme del peochio.

195Ch'esalta pur i doti
L'istinto dei simioti,
Le forfe de la Parca,
La gata del Petrarca,
La cassa de Maometo,
200El mocolo curioso d'Epiteto,
La caneva de Piro,
L'impulso del sospiro,
El sono de le piante,
El naso da invidiar de l'elefante,
205La musica de Orfeo,
I ochiai de Galileo,
De Curzio el passo ardito,
La clemenza de Tito,
L'onor de Messalina,
210De Creso la musina,
De Tamerlan secondo la bareta,
De Ovidio la carega,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_3.djvu/268&oldid=64279"