Pagina:Pronostici e versi di Camillo Nalin 3.djvu/122

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Da poder tacar soto,
     Cossa falo?
     Core da so compare Tita Pegno,
     20Che un aseno gaveva,
     Disendoghe — qua vegno
     Perchè se no ve greva
     Ve prego che me fè
     Una grazia distinta, un gran favor —
     25E Pegno — dove posso comandè,
     Mi ve servo de cuor,
     Saria ben bela
     Co quela parentela
     Che gavemo,
     30E dopo tanto che se conoscemo —
     Alora Pampanin:
     — Dovendo qua vicin
     Mandar un caratelo,
     Che pol tegnir un terzo de mastelo,
     35Vorave se podessi,
     Che l'aseno compare me imprestessi;
     Za più de circa un'ora
     No stago via dasseno,
     Anzi al conto che fasso manco ancora,
     40E subito che torno ve lo meno. —
     Pegno mo che per l'aseno sentiva
     Un afeto deciso, una premura
     Stravagante cussì che lo tegniva
     Come se pol tegnir la so creatura,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_3.djvu/122&oldid=58097"