Pagina:Pronostici e versi di Camillo Nalin 1.djvu/93

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Fiorentin,
     Che ga fato a Pechin
     Da missionario
     Go calumà sie mesi de salario.
Provisto in conclusion de l'ocorente
     Go dedicà co impegno
     Tutoquanto el mio inzegno,
     E la mia mente,
     Metendo a la tortura
     Quel squisito inteleto
     Che m'à acordà natura
     Per sortir con onor dal mio progeto;
     Go fato un studio atento
     Su la capacita del firmamento,
     Go esaminà le stele una per una,
     Go contemplà la luna,
     E go petà de schena
     Sin che l'ò vista piena;
     Co gran utilità
     Me ne son ocupà
     De le comete tute
     E crinite e barbute;
     Me son fermà sul moto dei pianeti,
     Su l'orbita diverso che i percore,
     Sora i magici efeti
     De le aurore;
     Co tuta l'atenzion
     El sol so andà vardando,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/93&oldid=57390"