Pagina:Pronostici e versi di Camillo Nalin 1.djvu/91

Da Wikisource
Sta pagina la xe stà trascrita, ma la gà ancora da vegner rileta.

     Spesso vegnindo el zorzo sul più belo,
     A robarme le stele che ze in cielo.
Sta vita laboriosa, sto festin,
     Che la salute m'a pregiudica,
     L'ò esercitada dal principio al fin
     Tuto l'ano passà
     Vardando co atenzion e luna e stele
     E tuti i astri,
     Fra venti, fra procele
     E fra disastri
     Per esser ben sicuro
     De poderve predir
     Quelo che nel venturo
     À da vegnir;
     Per no perder la fama,
     Che co tanti suori e co pazienza
     Me so acquistà in sta scienza
     E per aver el gusto che i me chiama
     Co tuta la rason
     No co l'insulso nome de poeta,
     No col titolo basso de schieson,
     Ma con quelo de astronomo e profeta.
E sicome savè che do ani fa,
     Causa del mio bestial temperamento,
     Ò roto, ò sfracassà
     Qualunque sia strumento,
     Ò fato una fugazza de la sfera,
     Go da vero bastaso a son de bote

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/91&oldid=57388"