Pagina:Pronostici e versi di Camillo Nalin 1.djvu/82

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


La storia ch'epiloga
     El viagio d'Enoc,
     El libro col titolo
     Berlich berloc,
I rami d'ostetrica,
     La fisica pratica,
     Co tuti i preteriti
     Che ga la gramatica;
E dopo de un studio
     Cussì complicato,
     Cercando conoscer
     Con calcolo esato
L'odor de le foleghe
     E de le sarsegne,
     El fumo che genera
     Un caro de legne,
Lassando el detaglio
     Che adota assae spesso
     Le schiape de astronomi
     Del tempo de adesso,
Che strussia da aseni,
     Ma che, son sicuro,
     No cava el so metodo
     Un ragno dal muro,
Trovà go più utile
     Per ogni riflesso
     De far el pronostico
     Su l'ano in complesso,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/82&oldid=57329"