Pagina:Pronostici e versi di Camillo Nalin 1.djvu/77

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


El bel capo d'opera
     Che ve rapresenta
     Fortuna in gran auge
     Che core la Brenta,
Dai poveri astronomi
     Co strussia tirada
     Da secoli e secoli
     A marchia sforzada,
E Aldo Manuzio
     Che armà de pistola
     El ga per el stomego
     Sior Checo Andreola,
Perchè coi so torcoli,
     Da vero assassin
     El stampa le buzzare
     Che scrive Nalin:
E da sta faragine,
     Da sto zibaldon,
     Da tuta sta sgnesola
     Strucà el megio e'l bon,
M'ò messo con scrupolo
     Strussiando la mente
     A far un'analisi
     La più diligente,
Se'l marmo vien tenaro
     Pestandolo assae,
     Se gh'è qualche regola
     Per far le sassae,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/77&oldid=57324"