Pagina:Pronostici e versi di Camillo Nalin 1.djvu/73

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


Tersicore al cembalo,
     E Clio co una sbrega
     Che bate la musica
     Dadrio la carega,
A brazzo de Elena
     El rico Epukon
     Che col paragrandine
     Spassizza el liston,
Enea che a le Grazie
     Ghe pela le rave,
     E Crispo Salustio
     Che sponza la Piave,
Prometeo sul Caucaso
     Che fa testamento,
     E Giuda che a vederlo
     Ze andà in svanimento,
Moncalvo notissimo
     Che cava per gnente
     I denti e le gramole
     A miera de zente,
Alcide che in colera
     El pesta la mazza,
     E del polo antartico
     El fa una fugazza,
Petrarca che a Laura
     In campo a san Luca
     Co do endecassilabi
     Ghe scalda la zuca,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/73&oldid=57319"