Pagina:Pronostici e versi di Camillo Nalin 1.djvu/61

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


El slanzo poetico
     Che ga le scalzae,
     El gusto antipatico
     Che ga le legnae,
Le strussie del trapano
     Col stenta a sbusar,
     El miasma epidemico
     Che ga el sbadagiar,
La rabia dei aseni
     Coi dì de laoro,
     Le teste moltissime
     Ch'esercita el foro,
L'altezza del crostolo
     Che fa la panada,
     Quel certo laconico
     Che ga la peada,
El don che tantissimi
     Possede qua in tera,
     Che ze de no dirghene
     Mai una de vera,
El peto de Venere
     Col gera da late,
     La ciera patetica
     Che fa le patate,
El baso de Zefiro
     Al cul de un tinazzo,
     La forza che i omeni
     Conserva nel brazzo,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/61&oldid=57277"