Pagina:Pronostici e versi di Camillo Nalin 1.djvu/55

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


Se siora Filicita
     La vive de intrada,
     Se Beta dei talari
     La ze inamorada,
E tanti tantissimi
     Vorave deboto
     Saver sina i numeri
     Da meter al loto,
Per po inesorabili
     Se a caso falè
     Chiamarve più stolido
     De quel che pesè,
E senza metafora,
     Sia in casa che in strada,
     Pusarve de l'aseno
     A roda la vada.
Ogn'ano el pussibile
     De far no se manca,
     Se varda, se specula,
     Se strussia, se ranca,
Se studia, s'esamina
     Da tute le bande,
     Se induse, se calcola,
     Se spende, se spande,
La mente se logora,
     La testa va atorno,
     Ne toca spessissimo
     De note far zorno,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/55&oldid=57264"