Pagina:Pronostici e versi di Camillo Nalin 1.djvu/43

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


Co incomoda l'umido,
     Co casca la brosa,
     Co sponta el garofolo,
     Co sbroca la rosa,
Co fato ze'l pampano,
     Co el biso scomenza,
     Co a tiro ze'l spareso
     E co el va in semenza;
Se vol che'l determina
     Co el tempo ze in moto,
     Co da suso el refolo,
     Co fa el teramoto,
Co zira l'eletrico,
     Co fa la borasca,
     Co vien zo la grandine,
     E dove la casca,
Co in mezzo le nuvole
     El sol fa baosete,
     Co Giove se scarica
     De lampi e saete,
E tanti a l'astronomo
     Ritien che ghe speta
     El sito prefiger
     Indove le peta;
Se vol che'l pronostico
     Ghe diga a puntin
     Se scarso, se fertile
     Ze l'ano de vin,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/43&oldid=57252"