Schiopa magioliche,
Se rompe spechi,
Le gatorigole
Ghe vien ai vechi,
Rusa le masene,
Ciga i molini,
Se fa invisibili
Dopie e zechini,
Più assae de l'argana
Tira el saroto,
Va el marmo a fregole
Come 'l biscoto,
La forfe mastega,
Sbrega el cortelo,
L'ago no penetra,
Ponze 'l scarpelo,
Subie e verigole
Piu no trapana,
Nei campi fertili
Nasce la cana,
Tanto la pegola,
Che la tanaca,
La cola, el mastese,
Più no se taca,
Deventa rusene
L'oro e l'arzento,
Se scola i arpesi,
Se vede el vento,
