Pagina:Pronostici e versi di Camillo Nalin 1.djvu/339

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Ghe ze neve, tempeste maledete,
     Gh'è lampi, ghe ze toni, gh'è saete,
     Gh'è caligo a fagoti,
     Vulcani, teramoti,
     E a tutequante l'ore,
     Se campessi mil'ani,
     Una strage de afani
     E de malore,
     Fra le quali l'amor,
     Che ghe riduse 'l cuor
     Sin ai Neroni
     A fregole, a boconi,
     E che del mio,
     No me vergogno a dirlo,
     El ga fato desio
     Senza lassar speranza de guarirlo;
     Ma no gh'è secatura,
     Anzi no gh'è tormento
     Che daga la natura
     Pezo, secondo mi, pezo del vento;
     Lu spianta albori,
     Lu atera fabriche,
     Facendo vitime
     Senza pietà;
     Lu coi so refoli
     I mari agita,
     Dove pericola
     L'umanità;

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/339&oldid=58069"