Pagina:Pronostici e versi di Camillo Nalin 1.djvu/334

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     E dopo se se leva paladini;
     Se va per sti casini
     A trovar le signore,
     Se ride, se tambasca, se discore,
Se dise suso anedoti
     De quei che ga la barba,
     Se cerca a qualche pampano
     Farghe ingiotir la garba;
Gh'è forfe inesorabili,
     Che tagia zo tabari
     Co un estro inarivabile,
     Co franze e con colari;
Ghe ze trati de spirito,
     Gh'è sesti, ghe ze moti,
     Se conta su le fufigne
     De queli che ze coti;
Se gode chi ze zovene
     A passegiar in strada,
     I vechi che ghe incomoda
     Fa invece la trotada;
Carozze de ogni genere
     Se incontra co frequenza,
     Se vede impreteribile
     Passar la diligenza;
Se va su e zo, se tatara,
     Fra el Tagio e fra la Mira,
     Finchè 'l mumento capita
     Che tuti se ritira.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/334&oldid=58064"