Pagina:Pronostici e versi di Camillo Nalin 1.djvu/321

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Laorando da fachini
     Se pol dir dai matini
     Sin a sera
     Co l' assistenza de la camariera,
     E de altre do done che ò volesto
     Stipendiar a zornada
     Aciò se fassa presto,
     E sia tuta la roba ben nichiada,
     No abadandoghe gnente
     A mia muger,
     Che de l'ordine amante estremamente,
     Voleva che chiamasse un ingegner
     Per far che l'equipagio el meta via
     Coi preceti che dà la geometria.
Dopo tanti fastidi e tante cure,
     Dopo tante premure,
     Dopo de averse tanto sfadigà,
     Perchè tuto proceda esatamente,
     Mi, la Giulia, el mio Bepi e mio cugnà
     El mese de setembre finalmente,
     E no me ingano, el zorno disisete,
     Fra bauli, valise, fra sachete,
     Fra i bastoni, i gabani, fra le ombrele,
     Strucai come sardele,
     Sepolti nei fagoti,
     Se imbarchemo a le nove de matina,
     E ai diese boti
     Se ze za a Fusina.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/321&oldid=58051"