PRONOSTICO DE L'ANO 1843.
Se in qualche profezia, che go stampà
Per el tempo passà,
Go dito che la tera
Da per tuti i cantoni
La ga miera coi miera
De meloni,
Anzi che a conto fato
Con un calcolo esato
Un dodese per cento ze le zuche
Fra sante, e fra baruche,
Un sedese i tamburi, un diese i alochi,
Un do i bonicristiani, un vinti i gnochi,
Un quaranta i dindioti,
E el resto doti,
Che no me so inganà,
Che no m'ò iluso,
Che quel che ò dito suso
