Pagina:Pronostici e versi di Camillo Nalin 1.djvu/304

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


La vera curamela
     Che tegniva in scarsela
     El re de mori,
     Per poder darse 'l filo ai rasadori.
I stivai coi speroni,
     Che portava i schiaoni
     Ai dì passai
     Apena maridai.
L'imensa petorina,
     Tutaquanta ricami, e fornimenti,
     Che a la maga Sabina
     La ghe tegniva suso i recipienti.
El famoso compasso
     Col qual i versi misurava el Tasso,
     Che ai poeti del secolo presente
     Ghe podaria servir mirabilmente,
     E sora tuto a quei
     Che conta i pì coi dei.
La machina a martelo,
     Co la qual da putelo
     Pico de la Mirandola,
     Rompeva i ossi per magnar la mandola.
El mastelon da bagni,
     Dove senza bragoni
     Se lavava i calcagni
     Per metodo Goldoni.
El capelo d'Esopo,
     Che chi se l'à provà

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/304&oldid=58035"