Pagina:Pronostici e versi di Camillo Nalin 1.djvu/296

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     La ghe sporza quel pomo,
     Del qual lu da marzoco
     El ghe n'à magnà un toco,
     E à fato in sta maniera
     Che sia piena la tera
     De disastri,
     E che de tuti nu fassa natura
     Sina che 'l mondo dura,
     Quelo che 'l galiner fa dei polastri.
Orlando paladin nei gran conflito,
     Ch'essendo stà tre dì senza magnar,
     Stimolà dai furor de l'apetito
     Su l'ora del disnar
     El cimenta la vita
     Assaltando al nemigo la marmita.
El centauro Chiron
     Vicin de Ariana
     Che fa conversazion
     Nela so tana,
     E quando che ghe par la chiapa a brazzo
     Dando a la porta tanto de caenazzo.
Reduci da turchia,
     In bona compagnia
     Come veri fradei,
     Pilade e Oreste
     Che se tagia i cavei
     Sui monti d'Este.
Nel so antico castelo Coriolan

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/296&oldid=58025"