Pagina:Pronostici e versi di Camillo Nalin 1.djvu/287

Da Wikisource
Sta pagina la xe stà trascrita, ma la gà ancora da vegner rileta.

     Variabile e bizzara,
Ancuo giazzai dal grizzolo
     Ne pararà genaro,
     Doman tasendo el refolo
     Ne pesarà el tabaro;
Ora sarà el dì nuvolo,
     Ora le zornae bele,
     Ora sarà le tenebre,
     Ora sarà le stele,
Ma ativa, ma solecita,
     Se mostrarà la tera,
     Ma generosa e prospera
     Sarà la primavera,
E i prai, le piante, i albori,
     Carghi de foge e fiori
     Per tuto a l'uman genere
     Prometarà tesori.
L'istà belo belissimo
     Quanto se pol mai dar,
     El cielo sempre limpido,
     Sempre tranquilo el mar;
Quel caldo insoportabile
     Che note e dì suà
     Ve tien, ne pode moverve,
     Per poco el durarà;
No gavaremo turbini,
     Tempesta qualche gran,
     No cascarà zo el fulmine,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/287&oldid=58013"