De aver co la mia scienza
Iluminà
Quel'orda strepitosa de viventi
De meschini talenti,
Ossia meloni,
Campestri e citadini,
Che ghe ne ze a milioni
Compresi i rampeghini,
I quali in bona fede
Sui afari del cielo
Ascolta e crede
Intieramente quelo
Che ghe infenochia suso
Qualche cervelo sbuso;
Go el contento che 'l nome de Nalin,
El qual sin l'altro dì pareva in fato
Condanà dal destin
A restar in tel fango che l'è nato,
Adesso che parlemo
El ze, no se burlemo,
Un nome da cartelo,
De quei da dover farghe de capelo;
Go l'alto onor, go la sodisfazion,
Che fogi, che giornali, che gazzete
Co tuta l'espansion
Encomi i me ripete
Ogniqualtrato,
E el più gran leterato,
