Pagina:Pronostici e versi di Camillo Nalin 1.djvu/272

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


Rilevo le cause,
     Colpisso l'efeto,
     E a far el pronostico
     Alora me meto.
Sta vita diabolica,
     Ste strussie da can,
     Che torna a vantagio
     Del genere uman,
Sta vita fra l'improbe
     La pezo de tute,
     Che va consumandome
     E bezzi e salute,
Da quando so astronomo
     No go esercità
     Più atenta, più assidua
     De l'ano passà,
Ma ò scrito un pronostico
     Che ze cussì esato,
     Che ze su ogni articolo
     Cussì detagliato,
Che un quadro da Xeusi
     Ve fa del futuro,
     Che spiega chiarissimo
     E in modo sicuro,
Non solo i fenomeni
     De l'atmosfera,
     Ma anca el gran numero
     Che gh'è su la tera,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/272&oldid=57998"