Pagina:Pronostici e versi di Camillo Nalin 1.djvu/265

Da Wikisource
Sta pagina la xe stà trascrita, ma la gà ancora da vegner rileta.

Con stanghe e con perteghe
     Per far la salita,
     Co prismi e barometri,
     Co la calamita,
Con camare otiche,
     Col sbusamontagne,
     Co machine eletriche,
     Col spazzacampagne,
Coi tubi idrostatici,
     Compasso a la grega,
     La sponza, la sessola,
     La piana, la siega,
La scala portatile,
     La corda e 'l saon
     Se mai de valermene
     Gavesse ocasion,
Le lenti diuretiche,
     La piera del toco,
     L'automa spasmodico
     Che segna el siroco,
El spechio a riverbero
     Che vede pertuto,
     L'imenso pantografo
     Che regola el suto,
El tachigonimetro
     Che pesa l'odor,
     La pila vulcanica
     Col so bataor,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/265&oldid=57991"