Pagina:Pronostici e versi di Camillo Nalin 1.djvu/233

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Superiori ai comuni e sorprendenti,
     E che ze necessario
     Aver infuso un genio leterario.
E sicome benigna la natura
     M'à dà come ga tanti
     Do rechie de misura
     Esuberanti,
     E un per de sporteloni
     Con tuti i requisiti, con quei doni,
     Che ocorarave a vari
     Per far l'ufizio de referendari,
     Mente sempre serena e assae bon naso,
     Cussì col mio talento,
     Che ascolto, vardo, taso,
     Stago atento,
     E procuro da tuto
     Cavarghene un costruto,
     Da dei meri acidenti,
     Da cosse indiferenti
     A tutiquanti,
     Mi go fato scoperte interessanti.
Basta dirve che un dì l'ano passà
     El caso m'à portà
     De doverme trovar
     Co mia muger e co altre do signore,
     Che d'acordo s'à messo a batolar,
     E dopo, per dir poco, un per de ore,
     Che a diverse so amighe e conoscenti

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/233&oldid=57947"