Pagina:Pronostici e versi di Camillo Nalin 1.djvu/216

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Via da le fondamente
     Un alogio più grando
     E più decente;
     Dopo averghene visto
     A centenera
     Me so alafin provisto
     Una cagnera
     Coi muri mezzi marzi, col sofito
     Sbusà come un crielo,
     Dal qual in ogni sito
     Penetra l'aqua che vien zo dal cielo,
     In modo tal che co ze 'l tempo roto,
     Mia mare e mia sorela,
     Che le ze sempre in moto,
     Le camina per casa co l'ombrela;
     Infati tuti i incomodi se trova,
     Che ga una casa vechia che par nova,
     E basta dir che sina la ze priva
     D'una strazza de riva,
     Motivo per el qual go el sacrifizio
     De no tegnir più barca al mio servizio.
Riguardo a sanità so da gran ani
     Atacà da una fiera malatia
     Con carateri oscuri e cussì strani,
     Che no se sa capir cossa la sia
     Perchè nissun la vede
     Avendo fato sede
     Con sensazion molesta

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/216&oldid=57915"