Pagina:Pronostici e versi di Camillo Nalin 1.djvu/205

Da Wikisource
Sta pagina la xe stà trascrita, ma la gà ancora da vegner rileta.

     In modo tal
     Da far belo che 'l casca de presenza
     Sul perfido brazzal
     De maldicenza,
     Che co la verità mai avilia
     La se trova in partia
     Continuamente,
     Ma che la fa andar fora
     Squasi sempre dal zogo socombente
     A forza de dessora,
     L'invidia, lo ripeto,
     Maligno zefireto,
     Perverso venteselo,
     Che a bel belo a bel belo
     Co insistenza supiando
     El se va insinuando
     Co la quiete
     Per porte, veri, scuri,
     Per le sfese più strete,
     E passa i muri,
     L'efeto à generà
     Che le lengue barone
     De omeni e de done
     De le quali arivà
     Ze da sti tempi el numero infinito,
     De mi per la cità
     Plagas ga dito,
     A grado che deboto

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/205&oldid=57904"