Pagina:Pronostici e versi di Camillo Nalin 1.djvu/203

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


E sicome l'aplauso che i mii scriti
     Sora l'astronomia
     Ga trovà clamoroso in tuti i siti
     À messo in gelosia
     Vari impostori,
     E indigeni e foresti,
     Che procura spazzarse per dotori
     Nele cosse celesti
     Dando da intender co le so carote,
     A chi no la sà dreta, che la note
     In specola montai
     I contempla le stele e le comete,
     E invece i stà ficai
     Soto le piete
     Co la mente pensando a chi sà cossa,
     Co la so testa sora el cavazzal,
     Dove no sò capir come se possa
     Meter in esercizio el canochial,
     Cussì sti pantegani,
     Sti sciochi e pretendenti, sti poltroni,
     Che ghe ne ze sti ani
     In quantità
     E per tuti i cantoni
     À propagà,
     La fama no curando
     Che co la so trombeta
     La me va proclamando
     Per profeta,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/203&oldid=57902"