Pagina:Pronostici e versi di Camillo Nalin 1.djvu/200

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     In scuola fa el bochin,
     In tempo tanto mato,
     In sto ano beato,
     In sto ano bufon,
     Sarà in malinconia
     Solamente 'l paron
     De spiziaria;
     E i medici, e i chirurghi, brava zente,
     Che venero e rispeto,
     Ma che Dio me difenda averli arente
     Quando me trovo in leto,
     I so zechini storti
     Guadagnai
     A spale dei dolori
     De tanti medicai
     Ma che ze morti,
     In ozio i magnarà come i signori,
     Perchè fra el bon umor
     Confido nel Signor
     Che godarà la zente
     Un stato de salute permanente.
Mi po per restar saldo al costituto,
     Democrito bastardo de sti dì,
     Senza scomporme ridarò de tuto,
     E chi sa quanti ridarà de mi.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/200&oldid=57268"