Pagina:Pronostici e versi di Camillo Nalin 1.djvu/190

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Calighi squasi gnente,
     E dapertuto
     Sarà costantemente
     El tempo suto.
     De formenti, de sorghi e cinquantini,
     Richissimi racolti,
     Abondanza de vini
     E fruti molti:
     In conclusion se gavarà un'anata,
     Che per prodoti no gh'è stà l'egual,
     Proprio paradisal,
     Proprio beata,
     De quele che per trato de clemenza
     Sà mandar co la vol la Providenza.
Se trovarà contenti
     Vilani e possidenti,
     Nè i gavarà pensieri
     Col racolto che i à fato,
     Che ga impenio le caneve e i graneri,
     De mantegnirse a norma del so stato,
     Anzi se pol supor
     Che i ghe farà el saldato
     A qualche creditor,
     Ghe l'aspeta impaziente
     Da ani e ani senza scoder gnente.
     Se vedarà bacanti
     E sanseri e marcanti,
     Che chiaparà tesori

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/190&oldid=57863"