Pagina:Pronostici e versi di Camillo Nalin 1.djvu/185

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Mi za gaveva messo
     El culo al muro,
     E no avaria suposto
     Sul mio onor
     De doverme distor
     Dal mio proposto;
     Ma i astronomi del secolo presente,
     Avendo, no so come, penetrà
     Che gaveva fissà
     De no dir gnente
     Per el mile otocento e trentaoto,
     Da per tuti i cantoni
     I s'à unito in comploto,
     I à tirà caregoni,
     E per indurme a no perseverar
     Nel mio proponimento
     I m'à scrito un dispacio da insoazar,
     Facendoghe l'elogio al mio talento
     Con termini, con frasi, che no posso
     Per mia soma modestia replicar
     Senza sentirme in viso a vegnir rosso,
     E concludendo che l'astronomia,
     Mancando le mie dote osservazion,
     A una perdita tal sotostaria
     Da no poder trovar sostituzion,
     Anzi la tornarave su la tera
     In tel stato de infanzia che la gera.
Comosso, sbalordio

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/185&oldid=57829"