Pagina:Pronostici e versi di Camillo Nalin 1.djvu/168

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Indove co i li conta
     Se trova sempre l'omo del mistier,
     Che megio d'un becher
     Ghe dà la zonta,
     E ghe ze certe sponze che no bagna,
     Che le rancura e dopo le sparpagna.
Gran matrimoni d'ogni condizion
     In tute le stagion,
     E nassarà putei
     Grossi come porcei,
     Forti robusti e sani,
     E pieni de rigor
     Da poder far l'amor
     Sin de otant'ani.
Tuto andarà benon,
     Piani, speculazion,
     Nè mancarà risorse
     A sussidiar le borse
     De l'avaro, del roto,
     E favorio dal loto
     Se vedarà anca el mato,
     Che ga perso el so stato,
     Le braghe, la velada,
     E tante gran donete,
     Che per viver de intrada
     Le rischia a la fortuna el disisete.
Le malatie per tuto sarà rare,
     E no se sentirà che idropisie,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/168&oldid=57695"