Pagina:Pronostici e versi di Camillo Nalin 1.djvu/151

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Ghe ze anca là el sangioto, gh'è la pizza,
     E gh'è la coscrizion che fa la schizza.
Anca là gh'è la turba dei galanti,
     Anca là chi va in scarpe e chi in stivali,
     Anca là gh'è una strage de birbanti,
     Anca là bia pagar le so prediali,
     Anca là ghe 'l preterito perfeto,
     E gh'è anca là le barche da tregheto.
Gh'è pistole, gh'è schiopi, gh'è canoni,
     Gh'è chi sà far la regola del tre,
     Ghe ze spade, danari, gh'è bastoni,
     Ghe ze fante, cavalo, ghe ze re,
     E in conseguenza gh'è la meneghela,
     Che ghe svoda ai viziosi la scarsela.
Anca là i fa balar la marmotina,
     Anca la tuti magna co la boca,
     Ghe ze anca là la morte picinina,
     Anca l'à gh'è 'l mistier de la maroca,
     E se incontra anca là done per strada,
     Che senza possession vive de intrada.
Ghe ze anca là le caneve de vin,
     Gh'è sachi de formento e formenton,
     Gh'è 'l so bravo formagio piasentin,
     El so cafè col zucaro panon,
     E gh'è sin, no le creda che minchiona,
     I so salai co l'agio da Verona.
Gh'è spagnoli, gh'è inglesi, americani,
     Gh'è russi, gh'è francesi,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/151&oldid=57676"