Pagina:Pronostici e versi di Camillo Nalin 1.djvu/118

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Come sanguete,
     E che se li schizzè per acidente
     I esala sul mumento
     Una essenza fetente
     Da andar in svanimento.
     Peochi tanto fati
     Grassi come porcei,
     Che vive i dì beati
     Fra i cavei,
     E che de quando in quando
     A passo de poltroni
     I va de contrabando
     Sora de le velae, dei veladoni.
Schiavi che spuzzarà tre mia lontan,
     Negri come la panza del camin,
     Scomenzando dai copi al primo pian,
     Che in te la scafa gavarà el casin.
Tantissimi scarpioni
     Da per tuti i cantoni,
     Che se per caso mai
     No gavarè avertenza
     Perdarè l'esistenza
     Velenai.
Gran ragni col boton
     Che se i ve dà un becon
     Anca de chiaro dì vedè le stele;
     Rusole ma de quele
     Col pelo cussì duro e cussì acuto,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/118&oldid=57417"