Pagina:Poeti antichi del dialetto veneziano 2.djvu/75

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


PER IL RITORNO D'UN AMICO


Quel che par senza cassa un orinal,
     E macaroni senza onto sotil,
     E tola parechià senza mantil,
     E senza barbachiepi un carneval;

Quel che par senza piume un cavazzal,
     E senza fiori e erbete e Mazo e Avril;
     Quel che par senza manego un bail,
     E insalata senz'ogio e senza sal;

Quel che par senza letere un Dotor,
     Calza senza braghesse, o senza aver
     Buso dove se caga, un cagaor;

Quel che par senza scarpe un calegher,
     Senza la so' stadiera un pesador,
     Senza porco o luganega un triper,
                     Son parso mi, o Corner,
     Sti dì che son sta fuora senza vu.
     Mo sia ringrazià Dio che siè vegnù!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poeti_antichi_del_dialetto_veneziano_2.djvu/75&oldid=68070"