Pagina:Poeti antichi del dialetto veneziano 1.djvu/96

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


LETTERA


DI NICO CALAFATO DALLA PRIGIONE


A SUA MOGLIE


Per no aver pena nè caramal,
     Perchè in preson no ghe xe ste zavate,
     3Te scrivo co la ponta del pugnal;
E sì te prego, cara la mia Cate,
     Perchè l'amor se cognosse a sti passi,
     6Che ti vogi conzar ste papolate.
Faràve in sta preson pietà ai sassi!
     Che diese che me fava de bereta,
     9Adesso i stà con mi sul farme arlassi.
Se ben, colona, ti la meni streta,
     (Perchè mi so 'l to' viver sin in cao,
     12Cussì no fustu co' ti è povereta!)
No me lassar morir qua desperao;
     Tra i to' drapi e i mii pochi ch'è da ti
     15Vedi de far tanto che sia cavao.
Sti me cavi sta volta, se mai pì
     Fio de putana me mete in preson
     18Che possa morir schiavo del Sofì!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poeti_antichi_del_dialetto_veneziano_1.djvu/96&oldid=64127"